Tre drejtues të kompanive të industrisë së mbrojtjes janë arrestuar nga autoritetet turke nën dyshimin për spiunazh për fuqitë e huaja, thonë prokurorët.

“Një operacion u krye më 25 nëntor 2025 për të kapur katër individë të identifikuar në lidhje me komplotin”, tha zyra e prokurorit publik të Stambollit në një deklaratë të martën.

“Si rezultat i operacionit, u arrestuan tre persona dhe u lëshua një urdhër arresti për një person për shkak të qëndrimit jashtë vendit.”

Thuhej se të dyshuarët “mbajnë pozicione ekzekutive brenda kompanive kritike të mbrojtjes që operojnë në vendin tonë”.

Ata akuzohen se janë përpjekur t’u japin vendeve të huaja informacione “biografike” rreth punonjësve.

Sipas agjencisë së lajmeve AFP, zyra e prokurorit fillimisht tha se të dyshuarit punonin për shërbimet e inteligjencës së Emirateve të Bashkuara Arabe, përpara se ta fshinte atë deklaratë dhe të publikonte një version të rishikuar në X, që nuk përmendte Emiratet e Bashkuara Arabe.

Eksportet e mbrojtjes të Turqisë u rritën me 29 për qind (7.15 miliardë dollarë) në vitin 2024, sipas Presidentit Rexhep Tajip Erdogan, të nxitura veçanërisht nga suksesi i dronëve të saj ushtarakë./euronews.al